نالۂ صبا تنہا ، پھول کی ہنسی تنہا​

نالۂ صبا تنہا ، پھول کی ہنسی تنہا​

اس چمن کی دنیا میں ، ہے کلی کلی تنہا​

​

رات دن کے ہنگامے ، ایک مہیب تنہائی​

صبحِ زیست بھی تنہا ، شامِ زیست بھی تنہا​

​

کون کس کا غم کھائے ، کون کس کو بہلائے​

تیری بے کسی تنہا ، میری بے بسی تنہا​

​

دیکھیے تو ہوتے ہیں سارے ہم قدم رہرو​

کاٹیے تو کٹتی ہے راہِ زندگی تنہا​

​

چارہ ساز ہو کر بھی، حُسن کے یہ تیور ہیں​

درد سے تڑپتا ہے ، سوزِ عاشقی تنہا​

​

(صوفی تبسؔم)​