کلام حضرت سلطان باہو ؒ

الف اللہ چنبے دی بوٹی من مرشدوچ لائی ہو
نفی اثبات دا پانی ملیاہررگے ہرجائی ہو
بوٹی اندرمشک مچایاتے جان پھولن تے آئی ہو
جیوے مرشد کامل باھوجہن اے بوٹی لائی ہو

زے زبانی ہر کوئی پڑھدا،دل کا کلمہ کوئی ہو
جتھے کلمہ دل دا پڑھیے،اوتھے ملدی ڈھئی ہو
دل دا کلمہ عاشق پڑھدے،جانن یار کلوئی ہو
کلمہ پیر پڑھایا باہو،سدا سہاگن ہوئی ہو

 دل دریاسمندروں ڈوھنگے کون دلاں دیاں جانے ہو
وچے ویڑے وچھے جہیڑے تے وچھے ونجھ مہانے ہو
چودہ طبق دلے دے اندرتنبووانگن تانے ہو
جہیڑاہویادل دا محرم باہوجوسورب پچھانے ہو

ایہہ تن میراچشماں ہووے تے مرشدویکھ نہ رجاں ہ۔۔۔۔۔۔۔۔۔۔۔۔۔۔۔۔۔۔۔۔۔۔۔و
لوں لوں دے موھڈلاکھ لاکھ چشماں اک کھولاں تے اک کجاں ہ۔۔۔۔۔و
اتنیاں ڈھڈیاں مینوں چین نہ آوے تے میں کدھے ول بھیجاں ہ۔۔۔۔۔۔۔۔۔۔۔۔و
مرشددادیدارہے باھ۔۔۔۔۔۔۔۔۔۔۔۔۔۔ومینوں لاکھ کروڑحجاں ہ۔۔۔۔۔۔۔۔۔۔۔۔۔۔۔۔۔۔۔۔۔و

اللہ پڑھائیوں حافظ ہویوں نہ گیاحجابوں پردہ ہ۔۔۔۔۔۔۔۔۔۔و
پڑھ پڑھ عالم فاضل ہویوں بھی،طالب ہویوں زرداہ۔۔۔۔۔و
سئے ہزارکتاباں پڑھیاں، ظالم نفس نہ مرداہ۔۔۔۔۔۔۔۔۔۔۔۔۔۔۔۔۔۔و
باجھ فقیراں کسے نہ ماریاباہوچوراندرداہ۔۔۔۔۔۔۔۔۔۔۔۔۔۔۔۔۔۔۔و
========================================
اللہ پڑھائیوں= تینوں خدانے ای علم سیکھن دی توفیق دتی اے
حافظ ہویوں= قرآن مجیدحفظ کیتوئی
حجابوں پردہ= حجاب دا پردہ۔ حجاب دی وجہ توں پردہ
حجاب= کسے حق سچ نوں سمجھن تے اپناون وچ روک۔ آڑ۔ہراوہ شے حجاب اے جیڑی بندے تے خداوچ ڈکاپائی بیٹھی اے
طالب= ریجھواں۔ اوڑوندٹ
زر=دنیادی دولت مایا۔جگ دے پدارتھ ۔ سرمایہ
سئے= کئی سینکڑے
نفس= وچلا۔نفس امارہ۔ بھیڑے کمان دی چاہت داجذبہ۔ جیہڑامنکھ نوں ننب کے اپنے اڈے لائی رکھدااے۔ حیوانی۔ شہوانی خیالاں داغلبہ۔
اندواجوں= نفس امارہ

آپ نہ طالب ہین کہیں دے لوکاں طالب کردے ہو
چاون کھیپاں کردے سیپاں قہرتوں ناہیں ڈردے ہو
عشق مجازی تلکن بازی پیراولے دھردے ہو
اوہ شرمندے ہوسن باہواندرروزحشردے ہو

ہر کوئی آکھے میری میری، نہ میری نہ تیری ہو
ڈھونگی قبر تے سوڑی سامی، نا لے رات اندھیری ہو
اگلا انت کسے نہ معلوم، پٹ پٹ رہی گھنیری ہو
پیر سنبھل کے دھرنا باہو، مت کر بہیں دلیری ہو  

ایہونفس اساڈابیلی جونال اساڈے سدھ۔۔۔اہ۔۔۔۔و
زاہدعالم آن نوائے ٹکڑا ویکھ۔۔۔۔ے تھدھ۔۔۔اہ۔۔۔۔۔۔۔و
جوکوئی اس دی کرے سواری نام اللہ اس لدھاہو
راہ فقردامشکل باہو ماں نہ سیرا ردھا ہ۔۔و