ســتم کی رسمـیں بہت تھیں لـیکن، نہ تھی تری انـجمن سے پہلے

ســتم کی رسمـیں بہت تھیں لـیکن، نہ تھی تری انـجمن سے پہلے
ســزا، خــطائے نظــر سے پہلے، عــتاب جــرم ســخن سے پہلے

جـــو چـل ســکو تو چــلو کہ راہِ وفـا بــہت مـخـتـصــر ہوئی ہے
مــقام ہــے اب کـوئی نہ منــزل، فـرازِ دار و رســن ســے پہلــے

نــہیں رہـی اب جـنـوں کی زنـجـیـر پـر وہ پـہـلی اجـــــارہ داری
گـرفـت کـرتے ہیں کرنے والے خـرد پـہ دیـوانہ پـن سے پہلے

کــرے کـوئی تیغ کـا نــظارہ، اب اُن کـو یـہ بھــی نــہیں گــوارا
بـضد ہـے قــاتـل کـہ جـانِ بسمل فگار ہو جسم و تن سـے پہلے

غـرورِ سـرو سـمـن سے کہہ دو کہ پھر وہی تــاجدار ہـوں گے
جــو خـارو خـس والـیِ چمن تھے عروجِ سرو سمن سـے پہلے

ادھـر تـقاضے ہیں مصلحت کـے، ادھر تقاضائـے دردِ دل ہے
زبـاں سنـبھالیں کہ دل سنـبھالیں ، اسیر ذکـر وطـن سـے پہلے