ﻧﻌﺖ ﺭﺳﻮﻝِ ﻣﻘﺒﻮﻝ ﷺ ﺍﺯ ﺣﻔﯿﻆ ﺗﺎﺋﺐ

ﺭﮨﯽ ﻋﻤﺮ ﺑﮭﺮ ﺟﻮ ﺍﻧﯿﺲِ ﺟﺎﮞ، ﻭﮦ ﺑﺲ ﺁﺭﺯﻭﺋﮯ ﻧﺒﯽؐ ﺭﮨﯽ

ﮐﺒﮭﯽ ﺍﺷﮏ ﺑﻦ ﮐﮯ ﺭﻭﺍﮞ ﮨﻮﺋﯽ، ﮐﺒﮭﯽ ﺩﺭﺩ ﺑﻦ ﮐﮯ ﺩﺑﯽ ﺭﮨﯽ

ﺷﮧِؐ ﺩﯾﮟ ﮐﮯ ﻓﮑﺮ ﻭ ﻧﮕﺎﮦ ﺳﮯ ﻣﭩﮯ ﻧﺴﻞ ﻭ ﺭﻧﮓ ﮐﮯ ﺗﻔﺮﻗﮯ

ﻧﮧ ﺭﮨﺎ ﺗﻔﺎﺧﺮِ ﻣﻨﺼﺒﯽ، ﻧﮧ ﺭﻋﻮﻧﺖِ ﻧﺴﺒﯽ ﺭﮨﯽ

ﺳﺮِ ﺩﺷﺖِ ﺯﯾﺴﺖ ﺑﺮﺱ ﮔﯿﺎ، ﺟﻮ ﺳﺤﺎﺏِ ﺭﺣﻤﺖِ ﻣﺼﻄﻔﮯٰؐ

ﻧﮧ ﺧﺮﺩ ﮐﯽ ﺑﮯﺛﻤﺮﯼ ﺭﮨﯽ، ﻧﮧ ﺟﻨﻮﮞ ﮐﯽ ﺗﺸﻨﮧ ﻟﺒﯽ ﺭﮨﯽ

ﺗﮭﯽ ﮨﺰﺍﺭ ﺗﯿﺮﮔﺊ ﻓﺘﻦ، ﻧﮧ ﺑﮭﭩﮏ ﺳﮑﺎ ﻣﺮﺍ ﻓﮑﺮ ﻭ ﻓﻦ

ﻣﺮﯼ ﮐﺎﺋﻨﺎﺕِ ﺧﯿﺎﻝ ﭘﺮ ﻧﻈﺮِ ﺷﮧِؐ ﻋﺮﺑﯽ ﺭﮨﯽ

ﻭﮦ ﺻﻔﺎ ﮐﺎ ﻣﮩﺮِ ﻣﻨﯿﺮ ﮨﮯ، ﻃﻠﺐ ﺍُﺱ ﮐﯽ ﻧﻮﺭِ ﺿﻤﯿﺮ ﮨﮯ

ﯾﮩﯽ ﺭﻭﺯﮔﺎﺭِ ﻓﻘﯿﺮ ﮨﮯ، ﯾﮩﯽ ﺍﻟﺘﺠﺎﺋﮯ ﺷﺒﯽ ﺭﮨﯽ

ﻭﮨﯽ ﺳﺎﻋﺘﯿﮟ ﺗﮭﯿﮟ ﺳُﺮﻭﺭ ﮐﯽ، ﻭﮨﯽ ﺩﻥ ﺗﮭﮯ ﺣﺎﺻﻞِ ﺯﻧﺪﮔﯽ

ﺑﺤﻀﻮﺭِ ﺷﺎﻓﻊِؐ ﺍﻣّﺘﺎﮞ ﻣﺮﯼ ﺟﻦ ﺩﻧﻮﮞ ﻃﻠﺒﯽ ﺭﮨﯽ