مستی نے تجھ نین کی مجھے بے خبر کیا​

مستی نے تجھ نین کی مجھے بے خبر کیا​

دل کوں مرے بھواں نے تری جیوں بھنور کیا​

​

تیری نگہ کے تیر کی ہیبت کوں دل میں رکھ​

سورج نے تن اپس کا سراسر سپر کیا​

​

تجھ مہر کا ہوا ہے دل و جاں سوں مشتری​

جب سوں ترے جمال پہ مہ نے نظر کیا​

​

تب سوں ہوا ہے محملِ لیلیٰ کی شکل دل​

جب سوں ترے خیال نے دل میں گزر کیا​

​

جیوں سروِ بے خزاں ہے جہاں میں وو سبز بخت​

تیرے قدِ بلند پہ جن نے نظر کیا​

​

ہر شب تری زُلَف سوں مطول کی بحث تھی​

تیرے دہن کوں دیکھ سخن مختصر کیا​

​

حق تجھ عذار دیکھ کے سُرچا ہے رنگِ گل​

پیدا ترے لباں ستی شہد و شکر کیا​

​

دیکھا ہے یک نگہ میں حقیقت کے ملک کوں​

جب بے خودی کی راہ میں دل نے سفر کیا​

​

تیرا یو شعر جگ میں مؤثر ہے اے ولی​

تو دل منیں ہر ایک کے جا کر اثر کیا​

​

اپس کا = اپنا​

جیوں = مانند، جیسے​

ستی = سے​

سُرچنا = پیدا کرنا، خلق کرنا، بنانا​

یو = یہ​

منیں = میں​